“Oxumağı məndən öyrənmisən, amma dilə gətirmirsən”

“Qızlar var ki, baxıram məndən dinləyərək öyrənib. Axı o oxuyanda bunu eşidirəm. Amma yanımdan düz keçir”. 

Ölkə.az xəbər verir ki, bu sözləri jurnalist Pərviz Hüseynin “Pərvizə görə” layihəsində Əməkdar artist Sevda Ələkbərzadə deyib.

O, onun ifasından nələrsə öyrənib, bunu dilə gətirməyənlərdən söz açıb:

“Mahnılarımı o qədər remiks edənlər var, bəyənmədiklərim də olur. Amma heç nə demirəm ki, etmə. Pis də olsa, çalışıb ki, nəsə etsin. Əgər sən virtual müəllim kimi kimdənsə, öyrənib oxumusansa, bunu efirdə dilə gətirmirsən. Yəqin ki, özlərinə ayıb sayırlar. Amma burada ayıb nə var ki? Bu, mənə çox xoşdur, deməli kimin üçünsə məktəbəm... Siz bunu heç vaxt demirsiniz. Mən kimdən öyrənmişəmsə, həmişə demişəm. Onda halallıq olmaz, çünki Allah görür”.