Kamran Həsənlidən Təranəyə cavab: \"Xalqın adından danışırsa...\"

Şoumen Kamran Həsənli prodüser Təranə Səmədovanın onun barəsində səsləndirdiyi fikirlərə münasibət bildirib.

K.Həsənli Ölkə.az-a açıqlamasında qeyd edib ki, Azərbaycanda televiziya tənəzzül dövrünü yaşayır:

"Mənim cavabım o xanıma olmayacaq. Çünki o xanım Azərbaycan xalqı adından danışırsa, Azərbaycan xalqının onun fikrinə heç bir tələbatı yoxdur. Amma ümumən fikrimi deyə bilərəm ki, bir çox sahələrdə-teatrda, kinoda olduğum kimi televiziyamız da tam tənəzzüldədir. O üzdən orada peşəkarlara, düşüncəyə, hətta abır-həyaya, intellektə ehtiyac yoxdur".

Xatırladaq ki, prodüser Təranə Səmədova big.az-a açıqlamasında bildirmişdi ki, Kamran Həsənlinin dövrü bitib:
"Düşünürəm ki, Kamran Həsənlinin dövrü bitib. Şübhə yoxdur ki, Kamran şoumen adının Azərbaycana gətirən ilk aparıcı olub. Gözəl də aparıcıdır. Onun sənətini, istedadını bəyənirəm. Ancaq bu reallıqdır, bəlkə də acı həqiqətdir ki, bu gün ona heç yerdə, heç kimin təlabatı yoxdur".

Kamran Həsənlinin saytımıza müsahibəsini sabah Ölkə.az-dan oxuya bilərsiniz.

İntiqam VALEHOĞLU
Ölkə.az