İlhamə Quliyevanın səhhətindən yeni xəbər

Xalq artisti İlhamə Quliyeva hazırda Mərkəzi Nefçtilər Xəstəxanasında həkim nəzarəti altındadır.

Bu barədə sənətkar özü Ölkə.az-a açıqlamasında bildirib. İ.Quliyeva deyib ki, böyrəyi ilə bağlı müalicə alır:

"Böyrəyimdə problem yaranıb, hazırda Rəşad doktorun rəhbərliyi ilə müalicələr gedir. Eyni zamanda şəkərli diabetdən əziyyət çəkirəm. Həkimlərin müdaxiləsindən sonra şəkərim normasına enir. Hər ikisi ciddi xəstəlikdir. Əsəb və stressdən şəkərim artmışdı. Hansısa şərəfsiz qulluqçu psixotrop dərmanları mənə çox yedirdib. Ona görə də böyrəyimdə fəsad yaranıb. Bu zəhərlənmə kimi bir şeydir. Böyrək durduğu yerdə sıradan çıxıb. Səbəbi zəhərli dərmanları bilmədən qəbul etməyimdir. Hələ ki burada olmağa məcburam. Buranın tibbi personalı başda Leyla Seyidbəyova olmaqla səhhətimi nəzarətdə saxlayırlar".

Xatırladaq ki, İlhamə Quliyeva mətbuata açıqlamasında böyrəyinin keçmiş köməkçisi, hazırda Kürdəxanıdakı müvəqqəti saxlanma təcridxanasında saxlanılan Mehriban Hüseynova (Bəylərqızı) tərəfindən verilən psixotrop maddələri qəbul etdiyi üçün sıradan çıxdığını bildirmişdi.

İntiqam VALEHOĞLU
Ölkə.az