DSX "Vətəndaş A"nın dronunu vurub? - Yenilənib

İctimai TV-də yayımlanan və bu günlərdə final bölümü təqdim ediləcək "Vətəndaş A" serialının baş prodüseri Sevinc Əliyeva sosial media hesabında açıqlama yayıb.

Ölkə.Az Axşam.az-a istinadən xəbər verir ki, prodüser çəkilişlər zamanı Dövlət Sərhəd Xidməti tərəfindən dronlarının vurulması ilə bağlı yayılan məlumatları təkzib edib:

"İTV və mən ("Vətəndaş A" serialının baş prodüseri) bildirmək istəyirik ki, Lahıc çəkilişləri zaman heç bir dron DSX tərəfindən vurulmayıb, radarın sönülü olması səbəbi ilə qayaya çırpılıb. Və DSX əməkdaşları ilə heç bir telefon danışığı belə olmayıb.

Yayılan məlumat həqiqəti əks etdirmir!".

***

"Vətəndaş A" serialının Daşkəsən rayonundakı çəkilişləri zamanı istifadə olunan dron Dövlət Sərhəd Xidməti tərəfindən vurulub.

"Ölkə.az" xəbər verir ki, bu barədə serialın rejissoru Elvin Rüstəmzadə "Kulis.az"a müsahibəsində deyib.

"5-6 min dollarlıq dron idi. Biz də elə dron qəzalarından danışırdıq. Elə o anda Orxan mənə dedi ki, dron görünmür. Çıxıb baxdıq ki, yoxdur. Sən demə orada hərbi baza var. Dronu icazəsiz qaldırdığımıza görə vurublar. Sonra onlarla əlaqə saxladıq. Dedik ki, bu gün dron vurmusuz? Onlar da dronun modelinin adını deyərək bunu təsdiqlədilər. Dedik niyə vurmusuz? Dedilər ki, biz nə bilək o nə dronudur, icazəsiz qaldırmısız?", - deyə E.Rüstəmzadə qeyd edib.