2024-cü ildə içkidən imtina edib: "Yeni il, yeni mən"

Məşhur müğənni Rihanna 2024-cü il boyunca spirtli içkilərdən imtina etdiyini etiraf edib.

Ölkə.az xəbər verir ki, Rihanna "Instagram" hesabında yayımladığı videoda 2025-ci ilə dostları ilə birlikdə otel otağında daxil olduğunu göstərib. 

Yeni ili qeyd edən müğənni, bütün il boyunca içmədiyini bildirib.

"Yeni il, yeni mən", deyə Rihanna paylaşımında yazıb.

Rihanna 2025-ci ildə də ayıq həyat tərzi sürüb-sürməyəcəyi ilə bağlı açıqlama verməyib. Sadə bir bayram keçirən müğənni, dostları ilə birlikdə otel otağında telefon vasitəsilə canlı yayımı izləyərək yeni ili qarşılayıb. 

Eyni zamanda, Rihannanın üçüncü uşağa hamilə olduğu barədə şayiələr yayılıb. Pərəstişkarları müğənnini yan profildən çəkərək onun paltarının qarın nahiyəsini vurğuladığını bildiriblər. Hələlik Rihanna bu xəbəri təsdiq etməyib və şərh verməyib, lakin sosial şəbəkələrdə onu təbrik edənlər çox olub.

Rihanna 2020-ci ilin noyabrında reper "A$AP Rocky" ilə uzunmüddətli dostluqdan sonra münasibətə başlayıb. Cütlük 2022-ci ilin yanvarında ilk uşaqlarını gözlədiklərini elan edib. 2022-ci ilin mayında oğulları RZA Atelston Mayers dünyaya gəlib. 2023-cü ilin avqustunda isə onların Riot Rouz Mayers adlı ikinci oğlu doğulub.//Qaynarinfo