One Direction qrupunun solistinin ölümünə görə saxlanılan var

Argentina hüquq-mühafizə orqanları 2024-cü ilin oktyabrında Buenos-Ayresdə otelin eyvanından yıxılaraq dünyasını dəyişən One Direction qrupunun solisti Liam Peynə narkotik satmaqda ittiham olunan ofisiant Brayan Paysı saxlayıb.

"Ölkə.az" xəbər verir ki, bu barədə “Infobae” portalı məlumat yayıb.

Bundan əvvəl məhkəmə mərhum müğənnini narkotiklə təmin etməkdə təqsirli bilinən Paysı və qaldığı otelin əməkdaşını həbs etmək qərarına gəlib. İkinci şübhəlinin həbsi yaxın vaxtlarda baş tutmalıdır.

Müstəntiqlərin fikrincə, Pays öldüyü gün Peynə kokain çatdırıb və ondan əvvəl də onu narkotiklərlə təmin edib.

31 yaşlı Peyn oktyabrın 16-da Buenos-Ayresdəki oteldə ölü tapılıb. Təcili Tibbi Yardım Sisteminin rəhbəri Alberto Kreskentinin sözlərinə görə, hadisə yerinə gələn həkimlər musiqiçinin hündürlükdən yıxılması nəticəsində aldığı xəsarətlərlə həyat əlaməti olmadığını aşkar ediblər. Peynin ölümündən əvvəl otel müdiri 911-ə zəng edərək narkotikin təsiri altında olan və aqressiv hərəkət edən qonaq barədə xəbər verib.

Elvin

Ölkə.az