Ferdi Tayfurun son istəyi ürəkləri sızlatdı: ən yaxın dostu danışdı

Türkiyənin arabesk musiqisinin məşhur ifaçılarından olan Ferdi Tayfurun son arzusunu ən yaxın dostu Kənan Çınar açıqlayıb. Məşhur sənətçinin son arzusu eşidənlərin ürəklərinini sızladıb.

Ölkə.Az xəbər verir ki, 79 yaşında həyatını itirən Tayfurun son istəyi qızı olub.

Tayfurun yaxın dostlarından olan jurnalist Kənan Çınar açıqlamasında deyib ki, ona atası kimi idi. "Dostluğumuz başqa idi. 3-4 gün əvvəl Antalyada xəstəxanada bir yerdə idik. Xəstəxanada olarkən mənə dedi: "Yaxşılaşıram. Qızımla barışmaq istəyirəm".

Qeyd edək ki, Ferdi Tayfurla qızı aralarında problemlər yaşandığı üçün son illərdə münasibətləri olmayıb. Bu səbəbdən də Tayfurun qızı Tuğçe Tayfur Antalyada keçirilən anım mərasiminə qatılmayıb. Lakin Tuğçe Tayfur anası Necla Nazırla birlikdə dəfn mərasimi zamanı məscidə gediblər. Burada isə Tayfurun son anlarına qədər yanında olan qardaşı qızı Şirin Gözalıcı Tuğçe Tayfurun dəfn mərasiminə qatılmasına sərt reaksiya verib. "Bura gəlməyəcək", - deyə qışqıran Gözalıcıya Tuğçe Tayfur təhqiramiz ifadələrlə cavab verib.

Qızını sakitləşdirməyə çalışan Necla Nazır isə deyib: "Dəfn mərasimində belə etdilər, biz xəstəxanaya necə gedə bilərdik? Onlar ata ilə qızı düşmən etdilər".

Mürtəza
Ölkə.Az