"Qoy, mənə nifrət etsinlər, amma deməsinlər ki, yazıqdır" - Çimnazın ölüm barədə sözləri - VİDEO

Yanvarın 15-də doğum günündə vəfat edən aktrisa və müğənni Çimnaz Sultanovanın 2021-ci ildə ATV kanalının efirində dediyi sözlər yenidən gündəmə gəlib.

Ölkə.Az xəbər verir ki, o, çıxışı zamanı ölümdən danışıb və kövrəlib:

"İnsan səhnəyə gəlirsə əsas vəzifə borcu ondan ibarətdir ki, insanları əyləndirsin. Bizim adımız şoudur. Şou əyləncədir. Düzdür, hərənin bir problemi var. 2 il bundan əvvəl həyatımda çox faciəvi bir hadisə baş verdi. amma ən faciəlisi ölümdür. Ölümdən o tərəfə problem yoxdur. 
Biz gülürük, güclü görünürük.Mən şəxsən elə adamam ki, qoy, mənə nifrət etsinlər, qoy zəhlələri getsin, amma heç vaxt heç kəs deməsin ki, yazıqdır. Ən pis hissdir. 

Səhnədə olasan və biləsən ki, ağlaya da bilmirsən. Çünki ağlasan, səsin tutulur. Peşəmiz bəlkə də kənardan kiməsə asan gəlir, amma elə deyil. Mənim də həyatımda belə bir təcrübə var. Hərdən fikirləşirik ki, o yoxdur, bu yoxdur,  lazımdır və s. Xeyr, ən əsas sağlamlıqdır. Sağlamlığı itirəndən sonra deyirsən ki, hə, artıq bu problemdir. Hər bir problemin həlli var, yeganə çıxışı olmayan yol qəbirdir. Qəbirdən he kəs qayıtmır", - deyə o əlavə edib.

Qeyd edək ki, ötən gün Bakı Sağlamlıq Mərkəzi Ç.Sultanovanın səhhətindəki vzəiyyətlə əlaqədar 2021-ci ildən etibarən tibb müəssisəsinə müraciət etdiyini açıqlayıb.

Billurə