Miri Yusifin videolarını yaymaqla hədələdilər - Açıqlama

Dələduzlar Xalq artisti Miri Yusifin prodüserini hədələyərək müğənninin prodüserindən pul istəyib.

Ölkə.Az xəbər verir ki, prodüser Emin Əfəndi dələduzlara heç bir ödəniş etmədiyini bildriib:

"Doğrudur, yanvarın 19-u mənə qarşı bu cür xoşagəlməz bir hal yaşandı və dərhal aidiyyəti orqanlara müraciət etdim. Xəbərdə göstərildiyi kimi heç bir maliyyə ödənişi etməmişik. Sadəcə, məsələnin hüquqi müstəvidə həlli üçün lazımi addımları atmışıq.

Son vaxtlar bu cür kibercinayətlər adi hala çevrilib və təəssüf ki, bir çox insan bu vəziyyətlə üzləşə bilər. Bu da ölkəmizdə daha ciddi maarifləndirmə işlərinin aparılmasını tələb edir. Mənim və Miri Yusifin adından istifadə edərək yayılan hər hansı bir məlumatın doğruluğuna yalnız bizim tərəfimizdən təsdiq edildiyi halda dərc olunmasını xahiş edirəm.

Hüquq-mühafizə orqanlarının operativ reaksiyasına görə təşəkkür edir, məsələnin tezliklə həllini tapacağına ümid edirəm", - deyə o əlavə edib.

Qeyd edək ki, bundan əvvəl yayılan məlumatlarda E.Əfəndinin ərizə ilə Yasamal RPİ-yə müraciət etdiyi bildirilir. Qeyd olunurdu ki, prodüser Miri Yusifin videolarını yayacağını deyən şəxsə 1000 AZN pul ödəyib.