Tanınmış rejissordan aktrisaya intim təklif olubmuş

Aktrisa-model Aysel Fətəliyevanın fikirlərinə həmkarı Diana Babayevadan dəstək gəlib

Babayeva Ölkə.az-a açıqlamasında rejissorları peşəkarları çəkmədiklərinə görə qınayıb:

"Rejissorlar aktrisaya pul verməmək üçün kənardan adamları da çəkirlər. Deyirlər ki, gəl çəkil, amma pul vermirəm. Qızlar da var ki, efirdə olmaq üçün hər bir şeyə razıdırlar. Amma sənətinə, bacarığına güvənən aktrisalar kənarda qalırlar. Çünki heç vaxt o şeyə getmirlər. Ona görə bizim kino bu vəziyyətdədir. Mənim özümə dəfələrlə belə təkliflər ediblər, rədd etmişəm. Bu səbəbdən də heç bir filmdə, serialda demək olar ki, yoxam. Əvvəlcədən normal təklif olunur, razılaşandan sonra rejissorun danışıq tərzi dəyişir. Balam, şirin qız... Başa düşürəm ki, söhbət başqa istiqamətə yönəlir. Mənə bu təklifi edənlərin arasında özlərinə rejissor deyənlər də var, tanınmış rejissorlar da. Heç vaxt belə bir təkliflə razılaşmaram.

Xatırladaq ki, A.Fətəliyeva big.az-a müsahibəsində belə bir iddia ilə çıxış etmişdi:

"Elə şəraiti yaradanlar da həmin “aktrisalar”dır. Hansı ki, sənətdən zərrə qədər də anlayışları yoxdur. Küçədən kimi tutdularsa, öz mənafeləri üçün seriala çəkirlər. Aktrisa qabağa getmək üçün rejissorun yatağından keçməlidir".