Ahmet Kaya yaşayırmı?

Türkiyədə Ahmet Kayanın ölmədiyinə dair şübhələr getdikcə artır.

Ölkə.az xəbər verir ki, Hasan Emrecan adlı müğənni Ahmet Kayaya bənzərliyi ilə seçilir. İddialara görə Ahmet Kaya ölüm xəbərini yaydıqdan sonra estetik əməliyyatla üzünü dəyişib. Hasan Emrecan üz cizgiləri, hərəkətləri, səs tonu ilə eynən Ahmet Kayanı xatırladır. Mahnılarındakı mövzular və sözlər isə şübhələri daha da artırır. Mahnısında səsləndirdiyi "bir mən var, mən də sürgün" , "yarım qalan hekayəmiz" , "kim tanıyar məni gülüm" , "elə asan ölmərəm mən" ifadələri ilə isə onun Ahmet Kaya olduğuna inananların sayını artırıb. Həmçinin danışıq və geyim tərzi də Ahmet Kaya ilə eynidir.

Digər bir tərəfdən isə deyilir ki, bu sadəcə Ahmet Kayanın çıxartdığı bir müğənnidir. Mahnılarını isə Ahmet Kaya yazır və bəstələyir. Belə düşünməyə səbəb isə Hasan Emrecanın albomundakı səsləndirdiyi ifaların daha çox Ahmet Kayanın səsinə bənzəməsidir.

Ahmet Kaya öldükdən 6 il sonra ölümündən 3 saat sonrakı videosunun yayılması isə bu prosesin ilk mərhələsi olaraq görünür. Hasan Emrecanın özünün dediyinə görə, ailəsi Almaniyaya köçən türklərdəndir və uşaq vaxtdan ailəsi ilə birlikdə oraya gedib. Sonradan isə İngiltərəyə gələrək həyatını orada davam edib.

İddiaları artıran daha bir məqam isə uşaq vaxtdan Almaniya, sonra isə İngiltərədə yaşayan birinin türk dilində belə təmiz və Ahmet Kayanın danışdığı ləhçə ilə danışmasıdır.

Qeyd edək ki, Ahmet Kayaya 1999-cu ildə vətən xaini damğası vurularaq haqqında irqçilik və vətənə xəyanət maddələri ilə cinayət işi açılıb. Həbs qərarı verildikdən sonra isə Ahmet Kaya Fransaya qaçaraq bir müddət orada yaşayıb və 2000-ci ildə vəfat edib. Xatırladaq ki, ölümündən bir müddət sonra da ölmədiyi ilə bağlı xəbərlər yayılmışdı. Hətta bəzi adamlar iddia edirdi ki, Parisdə onu görüblər.

Ölkə.Az Hasan Emrecanın videolarını təqdim edir:

 

 

 

Taleh Rəcəb
Ölkə.Az