Tanınmış prodüser Aygün Kazımova ilə işə başladı

Tanınmış prodüser Roland Bayramov yeni işə başlayıb.

Ölkə.az-ın məlumatına görə, o, bundann sonra xalq artisti Aygün Kazımova ilə çalışacaq.

Əməkdaşımız məsələ ilə bağlı R.Bayramovun özü ilə əlaqə saxlayıb. O, xalq artistiylə iş birliyinə başladığını təsdiqləyib:

"Bəli, 15-20 gündür bir yerdə çalışırıq. Sadəcə, hər zaman mətbuatdan qaçdığıma görə, bunun da ictimailəşdirilməsini istəmədim. Hər ikimizə xeyirli olsun".

Xatırladaq ki, Rolan Bayramov buna qədər 1999-2004-cü illərdə Faiq Ağayev, 2004-2006-cı illər arasında Vasif Məhərrəmli ilə, növbəti iki ilə Zamiqlə, 2008-2010-cu illəri isə Emil Bədəlovla çalışıb. Bayramov son illərdə Natəvan Həbibi ilə çalışırdı.

İntiqam VALEHOĞLU
Ölkə.az