\"Eurovision\" təmsilçisi \"Nay nino\" ifa edib

Müğənni Fəqan Səfərov yeni mahnısını dinləyicilərə təqdim edib.

Sənətçi Ölkə.az-a açıqlamasında bu dəfə Türk sənət musiqisinə müraciət etdiyini deyib. F. Səfərov qədim türk mahnılarından olan “Nay nino” türküsünü yeni aranjemanda ifa edib.

Mahnının söz və musiqisi Eyyup Öztekinə məxsusdur. Türkü bir neçə gündür ki, bütün radio dalğalarında səslənir: “Bizim kimi türklərin də zəngin musiqi tarixi var. Eyni soy-kökə mənsub olduğumuz üçün bizim klassik mahnılarımız onlarda, onların türküləri isə bizdə çox sevilir.

“Nay nino” el şənlikləri, məclislərdə ən çox tələb edilən mahnılardandır. Türkünü yenidən aranjeman etdirməkdə məqsədim dinləyicilərə müasir versiyada sevdirməkdir”.

Türkünü bəstəkar-aranjemançı Fəriqd İman aranjeman edib. Yeri gəlmişkən, F. Səfərov F. İmanla bərabər albom üzərində çalışır. Albomda Azərbaycan, Türk və Avropa bəstəkarlarının əsərləri yeni arnjemanda təqdim ediləcək.

Xatırladaq ki, F. Səfərov “Eurovision” Azərbaycanın finalçısı olub.

Ölkə.az