Ümmandan \"Yeni il\" hiti

Müğənni Ümman 2015-ci ili “Yeni il” mahnısı ilə yekunlaşdırıb.

Ölkə.az-ın məlumatına görə, mahnı ötən əsrin 80-ci illərinin diskoteka stilində aranjiman edilib. Rəhman Əliyevin ideyası olan aranjiman bəstəni xeyli rəngləndirə bilib.

Əliyev bildirib ki, məqsəd dinləyicilərdə nostalji hisslər yaratmaqdır: “Bəlkə də bu günün gəncləri üçün o stil bir az yad görünə bilər, amma yaşlı nəsil üçün mahnının 80-ci illərin diskoteka janrını xatırlatması xoş olacaq. Əminəm ki, gənclər də o stili bəyənəcəklər”.

Xatırladaq ki, Ümman yeni ildə daha bir türk müğənnisi ilə duet oxumağı planlaşdırır. Hazırda türk sənətçisi ilə danışıqlar tam bitmədiyi üçün adı açıqlanmır. Tam razılığa gəldikdən sonra 2016-cı ildə geniş məlumat veriləcək.

Qeyd edək ki, mahnının söz və musiqi müəllifi Azər Nəsibovdur.

İntiqam VALEHOĞLU
Ölkə.az