"Müğənni statusunu alçaltmayın"

"Zaman, dünya inkişaf edir. İnsan resursları lazımsız kimi qala bilər, amma qalmayacaq. Heç bir sünii intellekt insanı əvəz edə bilməz. Gözündə sünilik görürsən".
 
Ölkə.az xəbər verir ki, bu sözləri müğənni Natavan Həbibi Kazım Sübhanın 106.3 FM-də qonağı olarkən deyib. Sənətçi sünii intellektdən danışaraq, onu pisləyib. 
 
Natavan son günlər gündəmdən düşməyən ifaçılara səslənib:
 
"Müğənni olmaq üçün illər, məktəb, təcrübə, ürək, beyin lazımdır. İnsanların 99 faizində yaradıcılıq var. Amma onu müğənni və peşəkar olaraq düz nöqtəyə çatdırmaq lazımdır. Bu isə hər kəsdə yoxdur. Ona görə də "müğənniyəm" deyib, müğənni statusunu alçaltmaq olmaz. Özünüzə "oxuayan" və ya nə istəsəniz deyin. Amma "müğənni" sözünün altında min işlə məşğul olub, bizi həmin axınadaxil etməyin".