Aybəniz Haşımova tanınmış musiqiçimizə görə depressiyaya düşübmüş

Tanınmış müğənni, əməkdar artist Aybəniz Haşımova son zamanlar efirlərdən uzaq düşməsinin səbəbi barədə danışıb

Ölkə.az-ın məlumatına görə, uzun fasilədən sonra efirə çıxan Haşımova depressiyaya düşdüyünü etiraf edib. Onun sözlərinə görə, buna səbəb sənət dostunun ölümü olub:

"Depressiyaya düşdüm, bir neçə ay efirə çıxmadım. Çünki neçə illər mənimlə işləmiş qarmon ifaçısı Rövşən Şəkili dünyasını dəyişdi. Onun ölüm xəbərindən çox sarsıldım, hər gün ağlayırdım. O xəstə yatdığı müddətdə efirə çıxmadım. Ardınca bəstəkar Tahir Əkbər xəstələndi. Ona görə də pis olmuşdum. O qədər böyük gərginlik keçirmişdim ki, gecənin bir yarısı məni xəstəxanaya apardılar. Ölümdən döndüm. Ondan sonra bir az istirahət etməyi məsləhət gördülər".

Xatırladaq ki, sənətçi bu fikirləri qonağı olduğu "Mənim dünyam" verilişində səsləndirib.

İntiqam VALEHOĞLU
Ölkə.Az