“Pəhriz üçün 130 dollar ödədim, sən demə “ChatGPT” yazıbmış” – Günel Musəvi 

Ölkə.az Bakuplus.az-a istinadən xəbər verir ki, bunu keçmiş aparıcı və hazırda Amerikada yaşayan Günel Musəvi (Günel Krişnan) şəxsi “Instagram” hesabında yazıb.

Aparıcı bildirib ki, universitet yoldaşı tərəfindən aldadılıb:

“Adətən antireklam etmirəm, amma istəmirəm ki, kimsə mənim kimi aldansın. Kamranla universitetdən tanış idik, mən arıqlamaq istəyirdim. O, isə biznes qurmaq istəyirdi. Düşündüm ki, bir-birimizi dəstəkləyərik. Dedi ki, həkim və diyetoloqlardan ibarət komanda ilə işləyir, hər şey fərdi şəkildə hazırlanır”.

G. Musəvi pəhriz və məşq planı üçün 130 dollar ( təxminən 221 AZN) ödəniş etdiyini deyib:

“Pulumu göndərib, analizlərimi paylaşdım. Amma nəticədə “ChatGPT”dən alınmış qrafik və pəhriz planı verildi. Bütün “komanda” sadəcə süni intellekt imiş. Uzun zamandır belə aldanmamışdım. Dərsimi aldım, siz də aldanmayın”.