Nazirlik bu müğənniləri cərimələdi

Vergilər Nazirliyi bir qrup müğənnini vergi borclarını ödəmədiyi üçün cərimələyib. Nazirliyə dəvət olunan müğənnilərdən ilin sonunadək vergi borclarını ödəmək tələb edilib.

Ötən gün isə vergi borcu olan şou-biznes nümayəndələrinin tam siyahısı açıqlanıb.

Ölkə.Az xəbər verir ki, oxu.az məsələ ilə əlaqədar bir neçə məşhurla əlaqə saxlayıb.

Müğənni Rəqsanə İsmayılova:

 

“Məni 3 aya 104 min manat cərimə ediblər. Hal-hazırda Moskvadayam. Bu işlə vəkilim məşğul olur”.

Xalq artisti Brilyant Dadaşova:

 

“Mütəmadi olaraq vergini ödəyirəm və ən məsuliyyətli vergi ödəyicisiyəm”.

Şou-biznesin evli cütlüyü Nurkan və Lalə:

 

“Biz 800 manat cərimə olunmuşuq. Halbuki bizim VÖEN-imiz artıq 1 ildir bağlıdır, dondurulub”.

“Kristal” qrupunun rəhbəri Mədinə Məlik:

 

“Müğənninin qazancı toylardandır. “Kristal” qrupu isə toylara getmir. Biz sənətlə məşğuluq. Şükür olsun ki, bizə cərimə tətbiq olunmayıb”.

Ölkə.Az