Məşhur müğənni donuz qripinə yoluxdu

Ölkə.Az Türk mediasına istinadən xəbər verir ki, dünən gecə Türkiyənin məşhur pop-divası Bülənt Ərsoy 40 dərəcə hərarətlə təcili olaraq xəstəxanaya çatdırılıb.

Müğənninin aparıldığı Gaziosmanpaşa Avropa Özel Şafak Xəstəxanasının baş həkimi Bülent Şahin Ərsoyun qripə yoluxması səbəbindən xəstəxanada müalicə aldığını söyləyib.

Həkim “analizlərin cavabı donuz qripinə uyğun gəlir” deyərək divanın bu xəstəliyə yoluxma ehtimalını təsdiqləyib.

“Dərhal müalicəyə başladıq. Lazımi tədbir görülüb. Həyati təhlükəsi olmasa da, vəziyyəti bir az ağırdır. Özündən sonra anası ilə sürücüsü də eyni şikayətlə xəstəxanamıza yerləşdirilib. Sürücünün vəziyyəti yaxşıdır, ancaq anasının səhhəti ağırdır”,-deyə baş həkim bildirib.

Ölkə.Az