Sərxan Kərəmoğlu toy qiymətini beş dəfə endirdi

Teleaparıcı Sərxan Kərəmoğlu toy qiymətlərini təxminən beş dəfə aşağı salıb.

Ölkə.az-ın məlumatına görə, o, bundan sonra 370 manata gedəcək. Kərəmoğlu qərarını bahalaşma ilə əlaqələndirib:

"Kimlərsə məni qınayacaq, kimlərsə bravo deyəcək. Amma bir həqiqət var ki, son günlər nələrin baş verdiyindən hamı xəbərdardır. Biz qiymətləri qaldırmaqla nəyəsə nail olsaq da, gec olacaq. Kim toya neçəyə istəyir getsin. Mən belə qərar verdim. "Damla-damla göl olar" deyib atalar. Düşünün ki, normal vətəndaş ayda nə qədər əməkhaqqı alır. Bəs bizim onlardan üstün tərəfimiz nədir? Tanınmaq və ulduz olmaq? Boş şeydir, adam olmaq lazımdır".

Xatırladaq ki, S.Kərəmoğlu əvvəllər toya 1500 manata gedirdi.

İntiqam VALEHOĞLU
Ölkə.az