“Paramparça”nın Cihanı təcili əməliyyat olundu

Türkiyənin məşhur serialı “Paramparça”nın baş rol ifaçısı aktyor Erkan Petekkaya təcili olaraq xəstəxanaya aparılıb.

Ölkə.Az-ın ans press-ə istinadən məlumatına görə, uzun müddətdir böyrəklərindəki ağrılardan şikayətlənən aktyor şiddətli ağrılarla xəstəxanaya çatdırılaraq əməliyyat edilib. Hələ ki, həkimlər aktyorun son vəziyyəti haqqında heç bir açıqlama verməyib.

Qeyd edək ki, Türkiyənin ən reytinqli seriallarından biri olan “Paramparça” serialında baş rolu canlandıran 45 yaşlı aktyor “Güzel günler, “Aynalı Tahir, “Səssiz fırtına”, “Son bahar”, “Öylə bir keçər zaman ki” seralları ilə məşhurlaşıb.

Ölkə.Az