7 il həbs cəzası alan qadın Telli Borçalının qohumu imiş

Bu gün barəsində 7 il həbs qərarı çıxarılan Gürcüstan vətəndaşı Samirə Usubova tanınmış aşıq Telli Borçalının uzaq qohumudur.

Ölkə.az aşıqla sürücü xanımın fotosunu əldə edib. Hətta sözügedən fotolar bir müddət öncə sosial şəbəkədə də paylaşılıbmış.

Qeyd edək ki, bu barədə xəbəri lent.az saytı yayıb. Bildirilir ki, hakim Fikrət Qəribovun sədrliyi ilə keçirilən prosesdə hökm oxunub. Hakimlər kollegiyasının hökmünə əsasən qadın sürücü 7 il müddətinə azadlıqdan məhrum edilib.

Qeyd edək ki, yol-nəqliyyat hadisəsi keçən il martın 15-də baş verib. Ə.Naxçıvani küçəsində Gürcüstan vətəndaşı Samirə Usubovanın idarə etdiyi “Toyota” və Bakı şəhər sakini Həsənağa Məmmədovun idarə etdiyi “VAZ-21011” markalı avtomobillər toqquşub. Qəzadan sonra idarəetməni itirən S.Usubova avtomobilini yolun kənarında dayanmış İntiqam Xəlilova məxsus “Hyundai”, Kamil Məmmədova məxsus “BMW” və Göyçay rayon sakini Seymur Vəliyevə məxsus “KİA” markalı avtomobillərə çırpıb.

Bundan sonra hadisə yerinin yaxınlığından keçən Abşeron rayon sakini Şöhrət Orucovu vurub. Xəstəxanaya yerləşdirilən Ş.Orucov orada ölüb.

İntiqam VALEHOĞLU
Ölkə.az