Adel “Gangnam Style”ın rekordunu təzələdi
Britaniyalı müğənni-bəstəkar Adelin (Adele Laurie Blue Adkins) “YouTube”da saatda milyon dəfə izlənən populyar mahnısı PSY təxəllüsü ilə çıxış edən cənubi koreyalı ifaçı Pak Çe Sanın “Gangham Style” mahnısının rekordunu təzələyib.
Ölkə.Az İKT.lent.az-a istinadən verdiyi məlumata görə, ilk 48 saatda 50 milyon dəfədən çox izlənən Adelin “Hello” mahnısı artıq 1 milyard izlənmə rəqəmini keçib. Adel bu göstəriciyə 87 gün ərzində çatıb və rekord əldə edib. PSY-nin “Gangham Style” mahnısı isə “YouTube”a yükləndikdən 158 gün sonra 1 milyard izlənmə rəqəminə nail olmuşdu.
Lakin PSY bundan sonra heç kimin əldə edə bilməyəcəyi bir rekordun sahibidir. O, “YouTube”da ilk dəfə 1 milyard rəqəminə nail olan sənətçidir.
