Bülənt Ərsoy azərbaycanlı bəstəkarın mahnısını oxuyacaq
Türkiyəli müğənni Bülənt Ərsoy bəstəkar Gövhər Həsənzadə ilə iş birliyinə başlayacaq.
Ölkə.Az axşam.az-a istinadən xəbər verir ki, bunu bəstəkarın özü xəbər verib. O, Ərsoy üçün iki mahnı hazırladığını bildirib:
"Hazırda yerli müğənnilərdən çox, Türkiyədəki ifaçılarla çalışıram. Mahnılarımdan biri - İzzət Bağırovun repertuarındakı "Bəs mən indi neyləyim?" Nülufərin albomunda çıxdı. Tanınmış aktyor və müğənni Kaan Yalçın Ayşə Birgül Yılmazın sözlərinə bəstələdiyim mahnını 5 versiyada təqdim edəcək. Ən böyük istəyim Bülənt Ərsoyla çalışmaq idi. İki mahnı təqdim etmişdim. Bir həftə bundan əvvəl cavab gəldi ki, bəstələri bəyənib. Sözlərini Ayşə Birgül Yılmaz yazacaq. Onun repertuarına mənim də mahnımın düşəcəyinə çox sevinirəm".
