Aygün Kazımovanın dəbdəbəli ad günündən ilk
Xalq artisti Aygün Kazımova özünə təmtəraqlı ad günü şənliyi təşkil edib.
Ölkə.Az xəbər verir ki, yubileyini möhtəşəm şəkildə dostları ilə keçirən səhnəmizin divası gələn qonaqlara bayram əhval-ruhiiyəsi yaşatdı.
Məclisin aparıcılığını Zaur Nəbioğlu, Anar Mədətovun rəhbərlik etdiyi “Solo Band” ansamlı isə gecə boyu qonaqların zövqünü oxşayıb.
Gecə saat 11-dən sonra başlayan mərasimi “Talant” rəqs qrupunun rəqqasları açıq elan etdi. Daha sonra səhnəyə meyxanaçılar Rəşad Dağlı və Pərviz Bülbülə çıxıb. Onlar səbəbkarın şərəfinə meyxana deyib.
Gecə 12 tamamda isə Aygün Kazımova səhnəyə çıxaraq bütün gələn qonaqlarını salamlayıb və ilk dəfə olaraq belə qeyri-adiliyə imza atmasından danışdı.
“Bilirsiniz ki, mənim doğum günüm 26 yanvardır. Bu dəfə fərqli doğum günü keçirməyi qərara aldıq. Bu mənim komandamın ideyasıdır. 25-dən 26-na keçən gecə ad günüm başladı və səhərə qədər davam edəcək”.
Sözlərini bitirən Kazımova “Mən Aygünəm” mahnısı ilə məclisi davam etdirib.
Ad günündə daha bir fərqlilik yaşanıb. Adət etdiyimiz kimi tort məclisin sonunda deyil, əvvəlində kəsili b. Bu zaman bütün qonaqları səbəbkarı əhatəsinə alıb.
Ardınca isə dizayner İbo özünün xüsusi hazırladığı “Ay və Gün” formalı taxt kreslonu xalq artistinə hədiyyə etdi. Bu da gur alqışlara səbəb oldu.
Aşıq Əlinin səhnəyə çıxıb Aygün xanımın şərəfinə şeir deyib oxuması da məclisə xüsusi rəng qatdı.
Doğum günündə xalq artistinin ən yaxın dostları ilə yanaşı, səbəbkarın müəllimləri Cavanşir Quliyev, Vaqif Gərayzadə də iştirak edirdi.
Təmtəraqlı keçən doğum günü şənliyi səhər saatlarına kimi davam edib.
