Mehriban Xanlarova polisə çağırılmağından danışdı: "O kişinin evinə getmişəm..."
Akademik Milli Dram Teatrının aktrisası, əməkdar artist Mehriban Xanlarova polisə çağırılmasından danışıb.
Aktrisa Ölkə.az-a açıqlamasında faktı təsdiqləyib və onun üstünə şər atıldığını deyib: "Böyüdüyüm bir ailə var. O ailəni ikinci valideynlərim hesab edirəm. O kişinin evinə getmişəm, həkimlər gətirmişəm. Həmin vaxt yad bir adam görəndə soruşdum ki, bu kimdir. Onlar da bundan sui-istifadə edib məndən şikayət ediblər.
Ərizədə yazıblar ki, guya məni böyüdən Xalıq Məmmədov adlı adamı təhqir etmişəm. İzahatımı verib sərbəst buraxıldım".
Xatırladaq ki, aktrisa bu gün Nəsimi rayonu 19-cu polis bölməsinə çağırılıb.
İntiqam VALEHOĞLU
