Nazpəri: \"ANS xalqın sözünü deyəcəyi, inandığı yeganə kanaldır\"

Xalq artisti Nazpəri Dostəliyeva uzun fasilədən sonra efirə çıxıb.

Ölkə.az-ın məlumatına görə, ANS telekanalında "Deməsək olmaz" verilişinin qonağı olan xalq artisti maraqlı açıqlamalar verib. Dostəliyeva tanınmışların davranışına fikir verməli olduğunu söyləyib:

"Bir insan özünü apara bilmirsə, onu televiziyaya çıxarmaq olarmı? Əlbəttə, olmaz! Amma çıxır. Maddiyyat, filan... nələrisə qoyurlar ortaya, çıxır. Televiziya belə adamları göstərməməli, mətbuat yazmamalı, antireklam belə etməməlidir. Aparıcılar müğənniləri təlxək yerinə qoyub, oynadırlar".

Xalq artisti qonağı olduğu telekanal barədə xoş sözlər deyib:
"ANS xalqın sözünü deyəcəyi yeganə kanaldır. Təşəkkür üçün demirəm, bu, faktdır. Xalqın içində oluram. Xalq şou əhlinə nifrət edir".

Qeyd edək ki, Nazpəri Dostəliyevaya ANS istisna olmaqla, digər telekanallar efir qadağası qoyub.

İntiqam VALEHOĞLU
Ölkə.az