Nadirdən İlhaməyə jest
Müğənni Nadir Qafarzadə xalq artisti İlhamə Quliyevanı tərifləyib.
Ölkə.az-ın məlumatına görə, sənətçi sosial şəbəkədə xalq artisti haqqında xoş sözlər yazıb və artıq-əskik şərh yazanlara xəbərdarlıq edib:
"Azərbaycan mədəniyyətində və incəsənətində öz dəsti-xətti olan, ölkənin xalq aristi, "Şöhrət" və "Şərəf" ordenli böyük sənətkar İlhamə Quliyeva... Siz dahisiniz, mənim sənətkarım. Sizin sənətinizi görüb, həzm etməyənlər mədəniyyətdən kənar adamlardır. İllərin sənətkarı... Vaxt gələcək sizin nə böyüklükdə sənətkar olmağınızı bir daha anlayacaqlar. "Sağlığında qiymət verin insanlara. Artıq-əskik şərh yazanı bloka atacam. Mənim səhifəmdə paylaşılan hər kəsin şəklinə hörmətlə yanaşın. Kimin nəsə xoşuna gəlmirsə, səhifəmi tərk edə bilər. Hər kəs İlhamə Quliyeva ola bilməz. Elə sənətkarlar var ki, onlar əvəzolunmazdır. Guya hamı mələkdir, idealdır və səhvsizdir? Hər kəs etdiyi savab və günaha görə özü cavab verəcək. Biz Allah deyilik. Allahlıq iddiasına düşmək fikriniz olmasın”.
Qeyd edək ki, İlhamə Quliyeva son günlər Aygün Kazımova ilə olan qalmaqalına görə mətbuatın gündəmindədir.
