64 yaşında ər axtaran aktrisa jurnalistləri qınadı

Xalq artisti Brilliant Dadaşovanın “Zuhal Topalla İzdivaç” evlilik verilişində iştirak edən bacısı Sədaqət Dadaşova baş verənlərə sosial şəbəkə vasitəsilə aydınlıq gətirməyə çalışıb.

Ölkə.Az-ın məlumatına görə, sənətçi onun evlilik proqramına qatılmasının belə ajiotaja səbəb olmasında dolayısıyla jurnalistləri qınayıb:

“Ay mənim rəfiqələrim, gördüyünüz kimi Azərbaycanın qlobal mövzusuna çevrilmək, gündəmə gəlmək üçün 1 dəqiqəlik şou yetərli idi. İllərimi sənətə verdim. Amma görünür ki, sənət heç kimə maraqlı deyil. Çoxu skandal arayışındadır. İndi sübut etdim ki, ölkəmizdə bir-iki kəlmə sözlə gündəmi zəbt etmək su içmək qədər asandır”.

Xatırladaq ki, Dadaşovanın sözügedən evlilik proqramında iştirakının ardınca "evli kişi ilə yeddi il münasibət yaşamışıq və bir övladımız olub" açıqlaması mətbuatda bomba kimi partlamışdı.

İntiqam VALEHOĞLU
Ölkə.Az