"Mehribanın günahı yoxdur, İlhamə xəstəydi, yeriyə bilmirdi"
Tanınmış müğənni Əli Mirəliyev xalq artisti İlhamə Quliyevanın ölümündə keçmiş köməkçisi Mehriban Hüseynovanın adının hallandırılmasına münasibət bildirib.
Ölkə.Az xəbər verir ki, sənətçi ANS telekanalına açıqlamasında bu versiyanı ağlabatan hesab etmədiyini dilə gətirib: "Bu məsələdə onun keçmiş köməkçisi Mehriban xanımın adı hallanır. Mənə elə gəlir ki, onun günahı yoxdur. İlhamə xəstə idi. Hələ heç nə bilmirəm, rəy açıqlanacaq. Fikrimcə, İlhamənin yaşamaq şansı yox idi. Şəkəri, qan təzyiqi, ayaqlarındakı problemlər... Güclə yeriyirdi, onu tuturduq, yeriyirdi. Kamera görəndə danışıb gülürdü, mübariz adam idi".
Xatırladaq ki, xalq artisti İlhamə Quliyeva bu gün səhər saatlarında dünyasını dəyişib. Hazırda keçmiş köməkçisi onun şikayəti əsasında həbsdədir.
İntiqam VALEHOĞLU
