Mirkamildən xanımlara bayram sürprizi
Müğənni Mirkamil Kamilov ilk konsertinə hazırlaşır.
Ölkə.Az xəbər verir ki, konsert Beynəlxalq Qadınlar Bayramı günündə, əyləncə məkanlarının birində keçirirləcək. Bu barədə konsertin təşkilatçısı Aynur Hacıyeva məlumat verib:
"Mirkamilin konsertinin 8 mart, məhz qadınların bayramı günündə təşkili təsadüf deyil. Mirkamil bəstəsi Emil Şahinə məxsus olan "Ana" haqqında mahnısının təqdimatına hazırlaşırdı. Həmin təqdimatı və konserti bir günə müəyyənləşdirdik. Konsert analarımıza, xanımlarımıza itaf olunacaq. Konsertdə maraqlı sürprizlər gözlənilir. Eyni zamanda sənətçi dostlarımız tamaşaçı qismində iştirak edəcəklər, onlardan səhnəni bölüşənləri də olacaq".
