Samirə və Oqtay bunu da etdilər

Meyxanaçı-müğənni Samirə Yusifqızı ilə duet ortağı Oqtay Kamil yeni bəstə üzərində işləyirlər.

Bu barədə Ölkə.az-a Samirə Yusifqızı məlumat verib. Onun sözlərinə görə, vətənpərvərlik mövzusunda olacaq mahnı Azərbaycan musiqisi və səhnəsi üçün yenilikdir:

"Çox möhtəşəm bir iş olmalıdır. Musiqisi və sözləri Oqtaya aiddir. Bu layihədə bizdən savayı bir gənc ifaçı da olacaq. Ətraflı açıqlama vermək istəmirəm. Çünki bizim müğənnilər maraqlı layihə görən kimi oğurlayırlar".

S.Yusifqızı çoxdandır efirlərdə görünməməsinin səbəbinə də aydınlıq gətirib:

"Mən ANS-də yayımlanan "Toylar kraliçası"nın qalibi olmuşam. Ona görə digər telekanallar dəvət etmirlər. Mən ANS-in müğənnisi deyiləm ki, xalqın sənətçisiyəm, bütün telekanallarda da çıxış etməyə haqqım var. Efirdə görünməməyimin səbəbi də budur".

Qeyd edək ki, bir müddət öncə Oqtay Kamilin məclislərin birində deyişmə zamanı səsləndirdiyi fikirlər Samirə ilə münasibətlərinin gərginləşməsinə səbəb olmuşdu.

İntiqam VALEHOĞLU
Ölkə.az