Milyonlar xərcləyərək toya Stinq, Cey Lo, Beyonsu çağırdı
Bu gün səhər saatlarından etibarən Rusiyanın “Safisa” təntənəli mərasimlər zalının qarşısında silahlı təhlükəsizlik qüvvələri toplaşıblar. Buna səbəb isə məşhur rusiyalı maqnat Mixail Qutseriyevin ikinci oğlu Səidin toy mərasimidir.
Ölkə.Az-ın qafqazinfo-ya istinadən məlumatına görə, toya ailənin təkcə qohumları və dostları deyil, həm də dünyaca məşhur ulduzlar da qatılıb. Məhz bu səbəbə görə Moskvaya Elton Con, Cennifer Lopez, Stinq, Patrisiya Kaas, Beyons, Ekrike İqlesias və başqaları təşrif buyurub.
“Russneft” rəhbəri oğlunun toyunu belə dəbdəbəli formada keçirmək üçün külli miqdarda pul xərcləyib. Rusiya mətbuatı yazır ki, Qutseriyev bu səfərə görə Cey Loya 5, Elton Cona isə 7 milyon avro verməli olub.
Səidin gəlini Xədicə mərasimə “Ellie Saab”dan olan uzun gəlinlikdə gəlib. Fransadan sifariş olanan donun ümumi çəkisi 25 kiloqram təşkil edir. Gəlinin əslən İnquşetiyadan olduğu qeyd olunur.
Toyda İnquşetiyanın birinci prezidenti Ruslan Auşev də iştirak edib.
Qeyd edək ki, “Forbes” Qutseriyevləri Rusiyanın 2015-ci ildə ən varlı ailəsi kimi göstərib. Onların təkcə ötən il sərvətlərinin həcmi 4,85 milyard dollar təşkil edib.
