Rza Zərrabı həbsə aparan təyyarədə bu məşhur da var imiş...
Rza Zərrabın birlikdə getdiyi Mayami səyahətində yeddi nəfərdən ikisinin dayə və ikisinin yaxın qoruması olması haqda yayılan xəbərlərdən sonra onunla birlikdə daha bir dünya şöhrətli manikenin də olduğu üzə çıxıb.
Rza Zərrab 19 mart 2016 tarixində "Türk Hava Yolları"na məxsus təyyarə ilə İstanbuldan Mayamiyə uçur və həmin təyyarədən endikdən dərhal sonra da saxlanılmışdı.
Ölkə.Az xəbər verir ki, Zərrab və həyat yoldaşı Ebru Gündeşlə bərabər eyni təyyarənin "First Class" hissəsində səyahət edənlərdən birinin də dünyanın ən məşhur maniken və reklam ulduzlarından biri hesab olunan Adriana Limanın olduğu xəbəri yayılıb.
Həmçinin yeni yayılan xəbərdə Zərrabın Mayamidə təyyarənin pilləkənlərindən enəndə deyil, pasport nəzarət məntəqəsində saxlanıldığı bildirilir. Zərrab və ailəsinin təyyarədən enən digər sərnişinlərlə birlikdə pasport nəzarət məntəqəsinə gəldikləri, burada Zərrabın pasportunu nəzarətçiyə təqdim etiyi və bundan sonra nəzarətinin telefonla polisə xəbər verdiyi deyilir.
Polis əməkdaşının pasport köşkünə gələrək nəzakətlə Rza Zarraba içəriyə keçmələrinin lazım olduğu bildirilib. Zərrab və onunla birgə səyahət edən ailəsi polis nəzarətində hava limanından polis bölməsinə aparılıblar. Bölmədə Rza Zərraba hüquqları izah olunub və haqqında cinayət işinin açıldığı bildirilib.
