Rəqsanə və kürəkəninin nikahı, Rozanın cəsarətli geyimi, aşıq Samirə və hamam məsələsi
Ölkə.Az milli.az-a istinadən jurnalist İntiqam Valehoğlunun müəllif layihəsi olan "Həftəbecər"i (73-cü say) təqdim edir.
Cəbhədəki məlum hadisələr səbəbindən layihəmizə iki həftə ara verməli olduq. Allahdan bütün şəhidlərimizə rəhmət diləyir, yaxınlarına dərin hüznlə başsağlığı veririk.
Rəqsanənin qızı ərə getməyə hazırlaşır. Elə özü də hazırlıq görməkdədir. Deyilənə görə, o, qızıAysunla eyni gündə nikah masasına əyləşəcək. Aysunun gələcək əri kimdirsə, o da tarixə düşəcək. Çünki dogma qayınanası və ögey qayınatası ilə bir gündə ailə quracaq. Təsəvvür edin ki, Rəqsanə qızı ilə eyni gündə doğur. Dərhal "Ginnesin Rekordlar Kitabı"ndan nümayəndə çağırıb faktları soxuruq gözlərinə ki, bunların dördünün də adını yazın o siyahıya. Ağıl öyrətmək kimi çıxmasın, məncə, Rəqsanə bir az da gözləyib, elə Aysunun qızı ilə bir gündə ərə getsəydi, daha maraqlı olardı. Rəhmətliyin nəvəsi, bura qədər birtəhər dözmüsən, 17-18 il də hövsələ elə də. Onsuz da, yaşlanmağın sənə bir ziyanı yoxdur, əksinə qarabağlılar demişkən, bir az əmələ gəlirsən. Elə ilk efirə çıxdığın vaxtlardakı kadrlara baxsan, mütləq etiraz etməyəcəksən. Təzə xınayaxdı mərkəzin də mübarəkdi.
Əslində, bu haqda yazmamaq da olardı. Amma sənətçilərin son günlər cəbhə bölgəsindən silsilə fotosessiyalar elətdirib sosial şəbəkələrdə paylaşması ürəyimi necə dağa döndəribsə, mövzudan yan keçmək olmur. Xüsusilə Tolikin hərbi geyimdə fotosunu görəndə sevindiyimdən nətəhər hoppandımsa, başım tavana dəydi. Elə "Həftəbecər"i də bu dəqiqə xəstəxanadan yazıram. HələNadir Qafarzadənin, canım sizə desin, Səyyadə Əlizadənin şəkillərini görəndə hansı hisslər keçirdiyimi yazmıram.
Müğənni Roza Zərgərli də geyimləri haqqında danışıb. Deyib ki, hər libasla səhnəyə çıxmaq olmaz. Ardınca əlavə edib ki, libas seçimində hər zaman çox cəsarətliyəm, bu da göz qabağındadır. Yaxşı söhbətdi. Bu xəbəri oxuyanda beynimdən bir sual keçdi. Bəs səhnəyə libassız çıxanların libasını kim seçir görəsən?
Bu arada xəbəriniz olsun ki, "Həftəbecər"in 72-ci sayında yazdıqlarıma görə rəqqasə Aytənmənə zəng vurub bərk əsəbləşdiyini söylədi. Mən də səbəbini soruşdum. Dedi ki, siz məni təhqir etmisiniz, toyuq demisiniz, ona görə də sizin barənizdə polisə müraciət edəcəyəm. Mən də dedim buyurun. Deyirəm, nətəhər də inanıb oxuyursunuz e. Əşşi, bu çal-çağır əhlində elə qanacaq haradadır ki, adama zəng vurub sivil qaydada etiraz eləsin. Telefonun o başında necə qışqırırdısa, ondan sonra bir həftə telefonuma zəng zad gəlmədi. Apardım ustaya, dedi ki, nömrə bərk qorxub, ona görə də aktiv deyil.
Meyxanaçı Namiq Qaraçuxurlu ata olmağa hazırlaşırmış. Bu xəbər də saytların manşetindəydi. Bəyəm Namiq ana olmalıydı? Yoxsa Namiq ata olmayıb indiyə qədər? Namiqin maşallah, iki bığıburma oğlu var, bu gün, sabah əsgərlik yaşına çatırlar.
Şəbnəm Tapdıq da adını özəlləşdirib. Kimsə övladına bu adı qoymaq istəsə, mütləq ona müraciət etməlidir. Nömrəsi lazım olsa, Feysbuk-da özümə yazın, icazəsini alıb verim ki, sonra başınıza iş açmayasınız.
Aşıq Samirə haqda dörd cümləlik xəbər yazmışdım ki, üçüncü dəfə ərə gedir. O da rus demişkən, "tırka"ya gedib ikinci əri ilə bir də evləndi. Sonra da efirdən çıxıb yekə-yekə qadağalar qoyub. Elə ucundan qulağından eşitdim. Çünki həmin ərəfədə elə bir maraqlı xəbər eşitmişdim ki, maraqlı olmadı. Deyir, bir sənətçi qadın yaşadığı binada bir kişi ilə o söz. Həm də ərdə ola-ola. Münasibətlər o qədər ülvi, saf notlara köklənibmiş ki, həmin dayday bu sənətçinin əri evdə olmayanda zəng vururmuş ki, hamamı yandır, gəlim çimim, təmizlənim. Bir gün belə, beş gün belə, axırda bu sənətçinin əri evə işdən tez gəlir. Təsadüfdən də bu qadıncığaz evdəymiş. Qapı döyülür, bu elə bilir ki, həmin qonşu kişidir. Qapının arxasından qışqırır ki, hamam qızmayıb hələ, nə tez gəlmisən? Söhbətin axırı +18 olduğundan yazmıram, amma oxuyan kimi özü biləcək ki, söhbət kimdən gedir. Atalar demişkən, hərə öz "razmer"ində qələt eləsə, daha yaxşıdır.
Camaatın qəpiyə güllə atdığı bir zamanda müğənni Samir Piriyevlə şoumen Kamran Həsənliarasında 80 minlik "razborka" davam edir. Hələ ki, tərəflər bir-biri ilə olan telefon danışıqlarının səs yazısını yaymaqla məşğuldular.
Larisa Dolinanın "muğamı ermənilər daha yaxşı oxuyur" söhbətini də yəqin ki, hamınız bilirsiniz. Bircə kəlmə deyirəm ki, Larisa, haram olsun bizim kişilərin cavan vaxtında Bakıda sənə çəkdiyi "əziyyət".
