"Atam olmadığı üçün çox çətinlik çəkmişəm"
Müğənni Çingiz Mustafayev atasızlıqdan şikayətlənib.
Ölkə.Az axşam.az-a istinadən xəbər verir ki, sənətçi "ATV maqazin onlarla" verilişində uşaqlığını xatırlayıb, kövrəlib:
"Kimlər üçünsə atasız yaşamaq asandır, kimlər üçünsə çətin. Səni döyəndə gedib heç kimə deyə bilmirsən. Atamın olmaması baxımından çox çətinliklər çəkmişəm. Valideynlər istəməzlər ki, uşağının həyatı elə keçsin. Bəzən döyülməmək üçün döyürdüm. Kiminsə atası gəlirdi qulağımı çəkirdi. Pis olurdum, mən kimə şikayət edərdim? Çox zaman deyirlər çətinliklər insanı güclü edir. Mən bu fikirlə razı deyiləm. Elə izlər qoyur ki, böyüyəndə həyatına təsir edir. İmkansızlıqdan təhsil almamışam. İndi çalışıram xaricdə təhsilimi davam etdirim".
Ç.Mustafayev romantik olmasını etiraf edib:
"Çox romantik olmuşam. Sevdiyimə sürprizlər etmişəm. Qazaxda yadda maraqlı biri kimi qalmışam: haradasa nəsə yandırıb, partladan uzunsaç oğlan".
