Dördüncü dəfə ana olacaq
48 yaşlı amerikalı aktrisa Culiya Roberts dördüncü dəfə ana olacaq.
Bu barədə aktrisaya yaxın mənbə bildirib.
Mənbənin sözlərinə görə, Culiya üçün 48 yaşda hamilə qalmaq gözlənilməz olub.
“O və həyat yoldaşı Denni Moder bu uşaqla ailədaxili münasibətlərinin tənzimlənəcəyini düşünür. Hamiləlik xəbəri cütlüyün bir-birinə qarşı hisslərini yenidən canlandırıb”.
Qeyd edək ki, bir müddət öncə mətbuatda Culiya ilə ərinin arasında qalmaqal olduğu, onların boşanma mərhələsinə qədər gəlib çatdığı haqda xəbərlər yayılıb.
Cütlük 2001-ci ildə “Meksikalı” filminin çəkilişləri zamanı tanış olub, bir il sonra ailə qurub. Onların 2 il sonra əkizləri –Hezel Patrişi və Finneasa Uolter doğulub. 2007-ci ildə isə cütlüyün üçüncü övladı – Henri Daniel dünyaya gəlib. (Qafqazinfo)
