Azərbaycanlı aktyor
Azərbaycanlı aktyor Müşfiq Şahverdiyev "My name is İntiqam-2" filmindən sonra yeni layihə üzərində çalışır.
Ölkə.Az-a açıqlama verən Müşfiq Şahverdiyev bildirib ki, yeni film üzərində işləyir: "Yeni sezonda yeni filmlə gəlirik. Noyabrın sonunda tamaşaçılara təqdim edəcəyik. Ssenarimiz artıq hazırdır. Filmin adı "Gizlənpaç"dır. Romantik-komedi janrında olacaq bir filmdir. İyun ayında çəkilişlərimizə start verəcəyik. Çəkilişlərin böyük hissəsi Bakıda çəkiləcək. Baş rollarda mən və İlkin Misgərli olacaq. Bu dəfə də gənclərə yer veriləcək. Digər iki filmlərimizdə böyük tənqidlərlə üzləşdik. 18+, açıq səhnələr, ikibaşlı zarafatlar etirazla qarşılandı. Bu tənqidlərdən nəticə çıxararaq 3-cü filmimizdə 18+ səhnələr yer almayacaq və bu tam ailə filmi olacaq. Tamaşaçılarımızın istədiyi kriteriyalara cavab verməyə çalışacağıq. Əsas məqsədimiz tamaşaçılarımızın könlünü oxşamaqdır. Bu film "My name is İntiqam"-ın hər iki hissəsindən yüksək səviyyədə olacaq. "Gizlənpaç" filminin əsas qəhrəmanları klounlardır. Bu filmimizin də rejissoru dəyişib. Elmir Süleymanov "Gizlənpaç" filminin rejissoru funksiyasını yerinə yetirəcək. Müəyyən səbəblərdən İlham Yaşaroğlu ilə də yollarımızı ayırmalı olduq. Bu kinomuzun ssenarist kollektivi Fariz Əliyev, İlkin Misgərli, Cəmil və mənəm. Yaxın zamanda daha ətraflı məlumat verəcəyik yenə sizlərə. Bizi izləyin və gözləyin!"
"Gizlənpaç" filminin informasiya dəstəyi Ölkə.Az saytına məxsusdur.
Fotolar: Nurlan Gülməmmədov
