"Orxanı axırıncı dəfə polisdən Ağadadaş Ağayev buraxdırıb"

"Oğru elə bağırdı ki, doğrunun bağrı yarıldı. Orxanın öz işi məhkəmədədir. Bəs Vüqar Bəkirov, Mehriban Hüseynova niyə həbsxanadadır?"

Bu fikirləri Ölkə.Az-a açıqlamasında tanınmış müğənni Əli Mirəliyev mərhum xalq artisti İlhamə Quliyevanın oğlu Orxan Nadirovun onu məhkəməyə verəcəyi haqda sözlərinə cavab verərkən səsləndirib. Mirəliyev bildirib ki, sonuncu dəfə Orxan Nadirovun azad olunması üçün İlhamə Quliyeva həmkarı Ağadadaş Ağayevdən xahiş edib:

"Bu adam İlhamə xanımla hansı deputatın, məmurun evinə gedibsə, hamı elə bilib ki, bu, oğludur. Ona görə inanıblar. Axırıncı dəfə Orxanla Vüqarı Binəqədi polisi saxlayanda bildiyimə görə İmişlidən kiməsə pul atmışdılar. Rəhmətlik zəng vurub Ağadadaş Ağayevə deyib ki, onların azad olunmasına kömək etsin. Ağadadaş da zəng vurub buraxıblar. Bu adam peşəkar dələduzdur, uşaqlığında İlhamənin evindən nə qədər şeylər oğurlayıb. Hamısını özü mənə danışırdı. Heç yerdə işləmir, hardan qazanır, hardan xərcləyir".

Xatırladaq ki, Orxan Nadirov mətbuata açıqlamasında Əli Mirəliyevi məhkəməyə verəcəyini bildirmişdi.

İntiqam VALEHOĞLU
Ölkə.Az