İlhamənin oğlundan Əli Mirəliyevə: "Sübut edə bilməsə..."

Mərhum xalq artisti İlhamə Quliyevanın oğlu Orxan Nadirov tanınmış müğənni Əli Mirəliyevin onun barəsində səsləndirdiyi fikirlərə münasibət bildirib.

O.Nadirov Ölkə.Az-a açıqlamasında məsələ ilə vəkilinin məşğul olduğunu deyib:

"Bu insan fikirləşsin də nə danışır. Bir qərar versin. Mənim ona deməyə sözüm yoxdur. Onu məhkəməyə verib-verməyəcəyimlə bağlı məsələlərlə vəkilim məşğuldur.Əgər haqqımda səsləndirdiyi hansısa iddianı sübut edə bilməsə, qanun qarşısında cavab verəcək.

Xatırladaq ki, Əli Mirəliyev Ölkə.az-a açıqlamasında Orxan Nadirovu sonuncu dəfə xalq artisti Ağadadaş Ağayevin xahişi ilə sərbəst buraxıldığını söyləmişdi:

"Bu adam İlhamə xanımla hansı deputatın, məmurun evinə gedibsə, hamı elə bilib ki, bu, oğludur. Ona görə inanıblar. Axırıncı dəfə Orxanla Vüqarı Binəqədi polisi saxlayanda bildiyimə görə İmişlidən kiməsə pul atmışdılar. Rəhmətlik zəng vurub Ağadadaş Ağayevə deyib ki, onların azad olunmasına kömək etsin. Ağadadaş da zəng vurub buraxıblar. Bu adam peşəkar dələduzdur, uşaqlığında İlhamənin evindən nə qədər şeylər oğurlayıb. Hamısını özü mənə danışırdı. Heç yerdə işləmir, hardan qazanır, hardan xərcləyir".

İntiqam VALEHOĞLU
Ölkə.Az