Bu gecə “Eurovision" yarımfinalı var
Bu gün İsveçin paytaxtı Stokholmda “Eurovision-2016” həyəcanı başlayır.
Ölkə.Az xəbər verir ki, Azərbaycanı müsabiqədə “Miracle” mahnısı ilə Səmra Rəhimli təmsil edəcək. 21 yaşlı müğənni səhnəyə 14-cü çıxacaq.
Eurovison 2016 Mahnı Müsabiqəsinin 1-ci yarımfinalı bu axşam saat 23:00-da İctimai TV-də canlı yayımlanacaq.
Səhnədə S.Rəhimli ilə bərabər, 4 rəqqas və bir bek-vokalçı da olacaq.
Müsabiqə Stokholmda "Globen Arena"da keçiriləcək.
İlk yarımfinalda Azərbaycanla yanaşı, həmçinin Finlandiya, Yunanıstan, Moldova, Macarıstan, Xorvatiya, Hollandiya, Ermənistan, San Marino, Rusiya, Çexiya, Kipr, Avstriya, Estoniya, Çernoqoriya, İslandiya, Bosniya və Herseqovina və Malta iştirakçıları da yarışacaq.
2-ci yarımfinal mayın 12-si saat 23:00-da, final isə mayın 14-ü saat 23:00-da keçiriləcək.
Xatırladaq ki, 2015-ci ildə Vyanada keçirilən müsabiqədə İsveç təmsilçisi Mons Zelmerlev qalib gəlib. Beləliklə, "Eurovision" müsabiqəsini keçirmək hüququnu İsveç qazanıb.
