Ermənistan “Eurovision”da daha bir qalmaqala əl atdı

Ermənistan bu dəfə də qalmaqala əl atıb.

Ölkə.Az xəbər verir ki, bu barədə “Eurovision Turkey” səhifəsi məlumat yayıb.

Ermənistanda “Eurovision 2016” mahnı müsabiqəsinin canlı yayımı ikinci yarımfinalda Ukrayna təmsilçisi oxuyan zaman yarımçıq dayandırılıb. Buna səbəb Ukrayna təmsilçisi Jamalanın ifa etdiyi “1944” adlı mahnıda türk sözlərindən istifadə olunmasıdır. Mahnı Krım tatarlarının 1944-cü ildə yaşadığı sürgünə ithaf edilib və türk-ingilis dillərindədir.

İfa bitdikdən sonra canlı yayım bərpa edilib.

Xatırladaq ki, Ermənistan bundan əvvəl də türk dilində çıxışların efiri zamanı yayımı dayandırmış, buna görə xəbərdarlıq və cərimə almışdı.