Zorikdən sərt açıqlamalar
Zorik kimi tanınan rejissor Zöhrab Ağayev onun haqqında gəzən dedi-qodulara son qoyub
Hazırda Türkiyədə olan rejissor Ölkə.Az-a açıqlamasında bildirib ki, ildə bir neçə dəfə Bakıya gəlir:
“Şou-biznesin bəzi ağzıgöyçək müğənniləri haqqımda lazımsız sözlər danışırlar. İstanbulda olmağıma baxmayaraq, hər bir şeydən xəbərim var. Guya deyirlər ki, Zoriki Bakıya buraxmırlar. Amma əslində heç də elə bir şey yoxdur. 3-4 aydan biri Bakıya, ailəmin yanına gəlirəm. Bir müddət öncə ölkədən çıxarkən problemlə üzləşmişdim. Belə ki, keçən il yay mövsümündə vətənə geri döndüm. Ailəmi ziyarət edib Dubaya, sonra isə İstanbula səyahət edəcəkdim. Artıq biletlərimi belə almışdım. Hava limanına yaxınlaşanda mənə söylədilər ki, Vergilər Nazirliyinə productionum olduğum üçün küllü miqdarda borcum var. Mən də söylədim ki, fəaliyyətimi 3 ildir ki, dayandırmışam, Bakıda yaşamıram. Mənə israrla bildirdilər ki, borcunuz var. Siz Dubaya uça bilmərsiniz. Mən də məyus halda Vergilər Nazirliyinə müraciət etdim. Onlar hər şeyi aydınlaşdırdıqdan sonra bildirdilər ki, 1 qəpik belə olsun, borcunuz yoxdur, rahat ölkəni tərk edə bilərsiniz. Biletlərimin saatını dəyişib, axşam reysi ilə getməyi planlaşdırdım. Yenə mənə Bakı aeroportunda problem yaratdılar. Azərbaycanı tərk etməyə icazə vermədilər. Yenidən bildirdilər ki, Vergilər Nazirliyinə borcum var. Mən onlara izah etməyə çalışsam da, məni anlamadılar. Əlimi kəsdim, ağladım. Xeyri olmadı. Pis vəziyyətdə evə qayıtdım. Səhəri gün Daxili İşlər Nazirliyinə məktub yazdım".
Zorik bildirib ki, nazirlikdən ona cavab gəlib və ölkədən çıxışına məhdudiyyət qoyulmadığı bildirilib:
"Mənə nazirlikdən cavab gəldi ki, Bakıdan çıxışıma heç bir məhdudiyyət qoyulmayıb. Daha sonra Vergilər Nazirliyini məhkəməyə verdim və qalib gəldim. İşimə düzgün baxdıqları üçün Bakı Şəhəri Səbail Rayon Məhkəməsinə təşəkkür edirəm. Həmin gün axşam Azərbaycandan küsərək, ölkəni tərk etdim. Bu haqda heç kimə danışmadığıma görə barəmdə əsası olmayan məlumat yayırlar. Həmin insanlara fikir vermirəm. Xüsusi ilə qeyd edim ki, mən öz ölkəmi çox sevirəm. Azərbaycanın qayda-qanunlarına hörmətlə yanaşıram. Bu açıqlamamdan sonra hər kəs öz yerini bilsin. Haqqımda yalandan insanların beynində pis fikirlər yaratmasınlar”.
