Alim Qasımov vəhabi iddiasına

Xalq artisti Alim Qasımov haqqında səsləndirilən vəhabi iddiasına cavab verib

Sənətkar Ölkə.Az-a açıqlamasında sosial şəbəkədə yazılanları təbəssümlə qarşılayıb:

"Müsəlmanam, Allaha inanıram, vəssalam".

Xatırladaq ki, Qasımovun ustad aşıq Ədalət Nəsibovla deyişməsinin altında xalq artistinin vəhabi olması barədə Elnur Qurbanov adlı şəxs iddia irəli sürülmüşdü:

"2011-ci ildə bir yerdə işləyirdim. Orada bir oğlan vardı, vəhabi idi. Həmişə o oğlanın yanına bir nəfər gəlirdi. Məlum oldu ki, bu adam Alim Qasımovun sürücüsüdür, özü də vəhabidir. Həmin iş yoldaşım mənə dedi ki, bu oğlan da, Alim müəllim də vəhabidir. O gün də Alim Qasımovun azan verməyini gördüm. Azanda Əli sözünü işlətmədi. Bax belə..."

İntiqam VALEHOĞLU
Ölkə.Az