Kral seksual manyak imiş

Pop-musiqinin kralı, mərhum Maykl Ceksonun seksual manyak və uşaqbaz olduğu təsdiqlənib. 2003-cü ilin noyabrında Maykl Ceksonun ABŞ-ın Kaliforniya ştatındakı "Neverlend" rançosunda polisin apardığı axtarışın nəticələrinin əks olunduğu hesabat bu günlərdə dərc edib.

Ölkə.Az Türkiyə KİV-lərinə istinadən xəbər verir ki, Cekson o zamanlarda həddi-büluğa çatmamışları tovlamaqda və onlara təcavüzdə suçlanırdı. 2005-ci ildə Maykl Cekson bu ittihamlarla bağlı bəraət almışdı. Zərərçəkənlərdən biri təzminat qismində 22 milyon dollar alandan sonra onun vəkilləri iddiadan imtina etmişdilər.

Ceksonun malikanəsində azyaşlıların pornofotolarından ibarət geniş "kolleksiya" aşkarlanıb. Fotolarda çılpaq uşaqlar, yeniyetmələr və kişilər var. "Kolleksiya"da sadomazoxist şəkillər, heyvanlara işgəncə verildiyi anların əks olunduğu fotolar da var.

"Bu materialların əksəriyyətindən azyaşlıları və yeniyetmələri manipulyasiya etmək üçün istifadə ediblər. Maykl Cekson illər boyu azyaşlı oğlanlara təcavüz etdiyini etiraf edib. Biz seksual zorakılığa məruz qalmış 6 oğlanı müəyyənləşdirdik. Maykl Ceksonun həddi-büluğa çatmamışlara təcavüz etməsinə zərrə qədər şübhə yoxdur",- deyə Santa-Barbara prokurorunun köməkçisi Ron Zonen bildirib.

Maykl Cekson 2009-cu ilin iyunun 25-də Los-Ancelesdə, 50 yaşında keçinib.

İlhamə
Ölkə.Az