Elza Seyidcahan: \"Guya bunlar toxunulmazdırlar, vaxtları yoxdur\"

Tanınmış müğənni Elza Seyidcahan özünü sənətdə yüksək tutan həmkarlarından danışıb.

Ölkə.Az xəbər verir ki, o bu haqda Milli.Az-a bildirib:

"Həqiqətən, bu sənət qurban tələb edir. Müğənni qurban verəndən sonra yaxşı gün görmür. Təbii ki, bu mənim kimi insana aid deyil. Mən sənətimə də, ailəmə də, dostlarıma da vaxt ayıra bilirəm. Amma elələri var ki, bu sənətə gəlirlər və hər şeydən təcrid olunurlar. Başqa bir planetin insanı kimi özlərini aparırlar. Guya bunlar toxunulmazdırlar, bunların vaxtları yoxdur. Dərk edəndə isə artıq gec olur. Onlar başa düşmürlər ki, bu gün yüksəlirsənsə, sabah enə bilərsən. Xoşbəxt o insandır ki, uşaqlıqdan hər şeyi dərk edir".