Qardaşı Telli Borçalının yalanını üzə çıxardı

Aşıq Telli Borçalının qardaşı, Azərbaycanın tanınmış aşıqlarından olan Tərmeyxan Qurbanov bacısıyla məclislərə getmədiyini bildirib

T.Qurbanov Ölkə.Az-a açıqlamasında bunu səsgücləndirici olan məclislərdə iştirak etməməsiylə əlaqələndirib:

"Elə yerlər mənlik deyil, mənim öz karyeram var. Yalnız canlı saz və söz olan məclislərə gedirəm".

Qeyd edək ki, Telli Borçalı ötən gün aznews.az-a açıqlamasında bütün tədbirlərdə qardaşıyla bir yerdə iştirak etdiklərini söyləmişdi:

"Bütün tədbirlərdə bir yerdəyik. Qardaşım 2 deyil, 3 otaqlı evdə yaşayır. İnsan kirayə də qala bilər, ayıbdır məgər? Telli Allahın da, bəndələrinin də yanında təmizdir".

Qeyd edək ki, T.Borçalının bəzi həmkarlarının Ölkə.Az-a verdiyi məlumata görə, uzun müddətdir ki, onun qardaşı Tərmeyxan Qurbanovla münasibətləri soyuqdur.

Aşıq Tərmeyxan Qurbanovun Telli Borçalı haqda da bəhs etdiyi geniş müsahibəsini saytımızdan oxuya bilərsiniz.

İntiqam VALEHOĞLU
Ölkə.Az