Azərbaycanlı kişi müğənni başına tac qoydu

Azərbaycan estradasının yaddaqalan ifaçılarından olan müğənni Əkbər maraqlı fotosessiyaya imza atıb

Başına tac qoyub kameralar qarşısına keçən sənətçi bu addımını Ölkə.Az-a belə şərh edib:

“Səhnədə olduğum illər ərzində daim qalmaqaldan, söz-söhbətdən uzaq gəzməyə çalışmışam. Və deyərdim ki, bu, məndə alınır. Başımda tacla şəkil çəkdirmək istəyim öz ideyam oldu. Modelyer-dizayner dostum Aygün Məmmədova bu fikrimi dəstəklədi və çox qısa zamanda aksessuarı mənim üçün hazırladı.

Çəkiliş “Tar production”da gerçəkləşdi. Fotoqraf İsmayıl Rzayevlə birgə çalışmaqdan məmnun qaldım.

Fotosessiyanın uğurlu alınmasında menecerim İsa İsayevin də zəhməti də az olmadı. Yəqin ki, oxucular yaratdığım obrazı gözəl qarşılayacaqlar. Özümü tərifləmək istəmirəm. Amma həqiqətən Əkbər olaraq həmişə seçilmişəm. Məncə bu tac məndən başqa heç bir kişi müğənnisinə yaraşmaz. Və inanmıram ki, kimsə bu ideyamı təkrarlayıb, başına tac qoyar”.

Onu da qeyd edək ki, Əkbər, sözləri Fuad İbrahimova, musiqisi Ruslan Səfəroğluna məxsus olan “Vay-vay” adlı ritmik mahnısını dinləyicilərə təqdim edib. O, yaxın vaxtlarda sözügedən bəstəyə klip çəkdirməyi də düşünür.

İntiqam VALEHOĞLU
Ölkə.Az