Ruhi Əliyeva haqqındakı ittihamlara cavab verdi
Bu gün saytımızda Ruhi Əliyeva haqda gedən xəbərdən sonra xanım müğənnimiz primetime.az saytına haqqında səsləndirilən iddialarla bağlı açıqlama verib.
Sayta verdiyi açıqlamasında müğənni səslənən ittihamları kökündən yalan adlandırdı. O, A.Sadıqovanı məhkəməyə verəcəyini söylədi:
"O xanımın adını ilk dəfədir eşidirəm. Mənlə oxşarlığı olduğunu deyir. Şəklinə baxdım, gülməyim gəldi. Axı, bizim biri-birimizə bənzərliyimiz yoxdur. Mən bu məsələni belə qoymayacağam. Bu səslənən yalan ittihamlar, böhtan məhkəmə müstəvisində həll olunacaq. Azərbaycanın şah qanunlarına inanıram və hər şeyin qanun çərçivəsində həll olunacağına əminəm. Hazırda Bakıda deyiləm. Avqustun 15-i vətənə dönəcəyəm. Azərbaycana gələn kimi bu əsassız ittihamlara qarşı lazımi tədbir görəcəyəm. O xanımla məhkəmədə görüşəcəyəm". Ruhi onu da əlavə etdi ki, bu, sifarişli bir böhtandır: "Mən təxmin edirəm, bu olanların arxasında kim dayanıb. Baş verənlər mənim nüfuzuma xələl gətirmək məqsədi ilə düşünülüb. Bəlkə də adıçəkilən xanımın heç günahı yoxdur. O, kimlərsə tərəfindən düşünülmüş qurban ola bilər. Amma xanımın pula bu cür ehtiyacı var idisə, mənə müraciət edərdi. Mən bir qadın kimi ona yardım əlimi uzadardım. Ancaq onun bu gün atdığı addım böyük bir cinayətdir. Bəlkə də bu, pul qazanmağın yeni növüdür. Yersiz ittihamlar və təhdidə görə məsuliyyət daşımaq lazımdır. Bunların hər birinin hesabını mən yox, qanun tələb edəcək. Xanım etdiyi açıqlamalarla mənim adıma və ictimai nüfuzuma xələl gətirə bilməyəcək".
