Aygün Kazımovadan ermənilərə zərbə

Xalq artisti Aygün Kazımova Almaniyada erməni təxribatıyla üzləşib.

Ölkə.Az-ın məlumatına görə, sənətçi bu ölkədə keçirilən "DAF bama mUsic Awards 2016" beynəlxalq mükafatlandırma mərasimində "Azərbaycanın ən yaxşı qadın sənətçisi" mükafatına layiq görülməzdən bir neçə saat öncə məlum olub ki, Almaniyanın Hamburq şəhərində keçirilən mərasimdə Ermənistanı təmsil edən müğənni Siruşo səhnədə Azərbaycan xalq mahnısı "Sarı gəlin"i erməni mahnısı kimi təqdim edəcək.

Xalq artisti dərhal təşkilatçılara iradını bildirib və "Sarı gəlin"in Azərbaycanın xalq mahnısı olduğunu diqqətə çatdırıb. Məhz Kazımovanın müdaxiləsindən sonra Siruşonun repertuarında dəyişiklik edilib.

İntiqam VALEHOĞLU
Ölkə.Az